MALE / FEMALE

  

 

കുടുംബ സമേതം പ്രവാസി ജീവിതത്തിലേക്ക് ചേക്കേറിയ എന്‍റെ ഒരേ ഒരുസഹോദരന്‍ കഴിഞ്ഞ വര്‍ഷം ആദ്യമാണ് നാട്ടിലൊരു വീട് വാങ്ങിയത് .അതിന്‍റെ അറ്റകുറ്റ പണികള്‍

സംബധിച്ച് ഇല്ലാത്ത അവധി ഉണ്ടാക്കി സഹോദരന്‍‍ നാട്ടിലേക്ക് വരുന്ന ദിവസം.

സംഭവ  സ്ഥലം: തിരുവനന്തപുരം അന്താരാഷ്ട്ര വിമാനത്താവളം .

സ്വീകരനാര്‍ ത്ഥം കാലാത്തു 6 :30 തിനു തന്നെ ഞങ്ങള്‍ എയര്‍ പോര്‍ ‍ട്ടില്‍ എത്തിയിരുന്നു .അതിരാവിലെ ആയതു കൊണ്ടോ എന്തോ  തിരക്ക് നന്നേ കുറവായിരുന്നു.

പ്രിയപ്പെട്ടവരെ സ്വീകരിക്കാനും യാത്രയാക്കാനും  വന്നവരില്‍  പലരും ഉറക്കത്തിന്‍റെ ആലസ്യം വിട്ടുമാറാത്തവര്‍.

എല്ലാം പതിവ് കാഴ്ചകള്‍ .(സഹോദരന്‍റെ പെട്ടെന്നുള്ള ഈ വരവ് ഈ വര്‍ഷം തന്നെ ഇത് നാലാം തവണ,കാരണങ്ങള്‍ പലതാണ് കേട്ടോ )

അവിടെ ഒന്നിന് പുറകെ ഒന്നായി ട്രോളികള്‍    നിരത്തിയിട്ടിട്ടുണ്ട്  (സത്യം പറയാമല്ലോ ഈ

ട്രോളികളെ ക്കുറിച്ചോര്‍ക്കുമ്പോള്‍ വിഷമം  തോന്നാറുണ്ട് .എപ്പോഴും ഈ കിടപ്പ് തന്നെ .ഉത്സവത്തിനുള്ള എഴുന്നള്ളിപ്പ് കാത്തു കിടക്കുന്ന ആനകളുടെ അവസ്ഥ.പണ്ടാരോ പറഞ്ഞതുപോലെ,ആളിനെ വ്യക്തമായി ഓര്‍‍ ക്കുന്നില്ല, ആനയ്ക്ക് ഒന്നുമല്ലെങ്കില് ഓലതിന്നു പിണ്ടമെങ്കിലും ഇടാം.പാവം ട്രോളികള്‍‍ക്ക് അതിനും ഭാഗ്യമില്ല.വല്ലപ്പോഴും ചുമലില്‍‍ ഏറ്റുന്ന മുന്തിയ ഇനം ലഗ്ഗെജും ‍സ്വപ്നം കണ്ടു ഇതേ കിടപ്പ് തന്നെ)

ഫ്ലൈറ്റ് എത്തിച്ചേരുന്നു എന്ന അന്നൌന്സുമെന്റ്റ്  കേട്ട് തുടങ്ങി .മംഗലാപുരം വിമാന  അപകടം നടന്നിട്ട് (മണ്മറഞ്ഞു പോയവര്‍‍ ക്ക് ഓര്‍‍ ‍മ്മപ്പൂക്കള്‍ .............)ഒരാഴ്ചയേ ആയിട്ടുള്ളൂ.അതുകാരണം അനാവശ്യമായ ഒരു ഭയം മനസ്സിലുണ്ട് .ദുബായില്‌  നിന്നും ഇപ്പോള്‍ ‍ തന്നെ മൂന്നും രണ്ടും അഞ്ചു കാളുകള്‍ ‍ വന്നിട്ടുണ്ട് . സഹോദരന്‍റെ  ഭാര്യയുടെ  വക മൂന്നും .പിന്നെ എന്‍റെ അമ്മയുടെ വക  രണ്ടും .

പല കസേരകളും ഒഴിഞ്ഞു കിടക്കുന്നുണ്ട് .എല്ലാം ഒരുമാതിരി, സയാമീസ് ഇരട്ടകള്‍......,എന്ന് പറയാന്‍‍ പറ്റില്ല ,ഇവിടെ മൂന്നും നാലും കസേരകള്‍ ഒന്നിനോടൊന്നു ഒട്ടിച്ചു വെച്ച അവസ്ഥ(രണ്ടാണെങ്കില്‍ സയാമീസ് ഇരട്ടകള്‍ പോലെ എന്ന് പറയാമായിരുന്നു. ഈ മൂന്നും,നാലും ഒക്കെ ഒട്ടിയിരിക്കുന്നതിനു ഇനി എന്താണാവോ പറയുക?.എന്തെങ്കിലും ആകട്ടെ...... )

.അങ്ങനെ മൂന്നെണ്ണം ഒട്ടിച്ചു വെച്ച  ഒന്നിന്‍റെ നടുക്കായി ഒഴിഞ്ഞു കിടന്ന ഒരു കസേരയില്‍ ഞാന്‍ സ്ഥാനം പിടിച്ചു .ഒരു വശത്ത്  ഒരു തരുണീ മണി .ഞാന്‍ ഇരുന്നത് അത്ര ഇഷ്ട്ട പ്പെടാത്ത മട്ടാണ്(അത് പിന്നെ അങ്ങനെയല്ലേ വരൂ.അതിനും പണ്ടാരോ എന്തോ പറഞ്ഞിട്ടുണ്ട്.)മറുവശത്ത് ഒരു പുരുഷ കേസരി ,എന്നെ  ഒന്ന് നോക്കിയിട്ട് ആള്‍ അഭിമാനപൂര്‍‍വം ഒന്ന് ഇളകിയിരുന്നു. (കാഴ്ചയില്‍ വലിയ തരക്കേടില്ലാത്ത ഞാന്‍ അല്ലെ അടുത്ത് ഇരുന്നത് , എന്‍റെ വിലയിരുത്തലാണ് കേട്ടോ. ദയവു ചെയ്തു സ്വയം പുകഴ്ത്തിയെന്നു  തെറ്റിദ്ധരിക്കരുത് ).ഏട്ടന്‍  അല്‍പ്പം ദൂരെ നിന്ന് ഇങ്ങോട്ട് തന്നെ ശ്രദ്ധിക്കുന്നുണ്ട് .സത്യത്തില്‍ ഏട്ടന്‍റെ   നോട്ടം  എന്നിലേക്കല്ലായിരുന്നു  , പിന്നെയോ ഒരു ചെയര്‍‍ ഹാന്‍ഡില്‍ ദൂരം എന്നെ തൊട്ടു തൊട്ടില്ല എന്ന മട്ടില്‍ ഇരിക്കുന്ന ആ പുരുഷ കേസരിയിലായിരുന്നു.ഒരു മൊബൈല്‍  ഫോണില്‍ കുത്തി കുത്തി മെസ്സേജ് അയക്കുന്ന തത്രപ്പാടിലാണ് എന്റെ അടുത്തിരിക്കുന്ന ആള്‍. പോകുന്ന മെസ്സേജ്നെക്കാള്‍ വേഗത്തില്‍ തിരിച്ചെത്തുന്ന മറുപടികളെ അറിയിക്കുന്ന മണിനാദം ഇടതടവില്ലാതെ മുഴങ്ങുന്നുണ്ട് .എന്തായാലും ഇത്ര സന്തോഷവാനായി ഇരുന്നു ഇത്രയും സമയം(അതും മെസ്സേജ് അയച്ച്...!) സ്വന്തം ഭാര്യക്ക് വേണ്ടി ചിലവഴിക്കാന്‍ മാത്രം അത്ര "അരസികന്‍ " ആണ് ഈ സഹ ഇരിപ്പ് കാരനെന്നു എനിക്ക് തോന്നിയില്ല .

(ഭാര്യക്ക്‌ എസ്‌.എം .എസ്‌  അയച്ചു  സമയം ചിലവഴിക്കുന്ന  ഭര്‍ത്താക്കന്മാര്‍ക്ക് ഫീല്‍ ചെയ്തെങ്കില്‍  എന്നോട്  ക്ഷമിക്കണേ .....ഞാന്‍ ഒന്നും ഉദ്ദേശിച്ചു എഴുതിയതല്ല..... )

ഒഴിഞ്ഞു  കിടന്ന പല കസേരകള്‍ ഉണ്ടായിരുന്നിട്ടും ഞാന്‍ അവിടെത്തന്നെ ഇരിപ്പുറപ്പിച്ചതിനു പിന്നില്‍  മറ്റൊരു കാരണം ഉണ്ടായിരുന്നു.‍ ചെക്കിംഗ് ക്ളിയരെന്‍സ് കഴിഞ്ഞു വരുന്നവരെ അവിടെ ഇരുന്നാല് പെട്ടെന്ന് കാണാം മാത്രമല്ല ഫ്ലൈറ്റ് എത്തിച്ചേരുന്നതും,പുറപ്പെടുന്നതും   മറ്റും വിവരങ്ങള്‍ മിന്നിമറയുന്ന സ്ക്രീന്‍ തൊട്ടു മുന്‍പിലും .ഓരോ അറിയിപ്പുകള്‍ സ്ക്രീനില്‍ തെളിയുന്നുണ്ട് .ഇടക്കെപ്പോഴോ ഒരു വിമാനത്തിന്റെ വരവ്അറിയിച്ചു മിന്നി മറഞ്ഞ  ചില വിവരങ്ങള്‍  ഞാന്‍ വായിച്ചു .

Air   India     Male  .......

ഈശ്വരാ ഇതെന്താണ്?

Male  . വീണ്ടും ഞാന്‍ വായിച്ചു നോക്കി .സ്പെല്ലിംഗ് തെറ്റിയിട്ടില്ല  "Male " തന്നെ .

എന്‍റെ അറിവില്‍ ‍രണ്ടു "മെയില്‍ " മാത്രമാണുള്ളത് ഒന്ന്  MALE  മറ്റൊന്ന് MAIL . ഇതില്‍ ആദ്യത്തെ  "മെയില്‍ "ആണ് വിശാലമായ സ്ക്രീനില്‍ മിന്നി മറയുന്നത്.എന്റെ ഇന്നോളമുള്ള ജീവിതത്തില്‍ ഇന്നേവരെ  ഉള്ള അറിവുവെച്ച് ജന്തു ജീവജാലങ്ങള്‍ക്കാണ്  ഇങ്ങനെയൊരു Male  , Female   വേര്‍ ‍തിരിവ് .ഇതെന്താണ് വിമാനങ്ങള്‍ക്കും ഇങ്ങനെ വല്ലതും ?(ടെക്നോളജി വികസിക്കുകയല്ലേ എന്തുസംഭവിക്കാം....!!!!)

എന്നാലും..........

ദാ വീണ്ടും ..വരുന്നു

Air Arabia    Male

അടുത്തത്

Emirates         Female     എന്നായിരിക്കും......

പക്ഷെ എഴുതിക്കാണിച്ചു കൊണ്ടിരിക്കുന്നതെല്ലാം പുരുഷ മേധാവിത്തം വിളിച്ചോതുന്നവ ആയിരുന്നു.എന്‍റെ സംശയം മറ്റൊന്നായി . ഇനി പുരുഷന്മാര്‍ക്കുവേണ്ടി  പ്രത്യേക വിമാന സര്‍വീസ് തുടങ്ങിയതാവുമോ? ഈ ലേഡീസ് ഒണ്‍ലി   ബസ്സ്‌ പോലെ .മിക്കവാറും അത് ആകാനാണ് സാധ്യത .പക്ഷെ വീട്ടില്‍

വരുത്തുന്നത്  രണ്ടു   പത്രങ്ങള്‍  ഒന്ന്  മലയാളം ,പിന്നെ   കുട്ടികള്‍(ഞാനും...)  വായിക്കുമെന്ന  പ്രതീക്ഷയില്‍  വരുത്തുന്ന  ഒരു  ആംഗലേയ  ഭാഷ   പത്രം, .ന്യൂസ്‌  ചാനല്‍സ്   വേണ്ടുവോളം .  കൂടാതെ വിവരങ്ങള്‍  അറിയാന്‍   എന്തെല്ലാം  ഉപാധികള്‍  .എന്നിട്ടും ഇങ്ങനെ ഒരു  ന്യൂസ്‌  ഇത്  വരെ  കേട്ടതേ  ഇല്ലല്ലോ .എയര്‍  ഇന്ത്യ  നഷ്ട്ടത്തിലാണെന്നും  പറയുന്നു

.

ദാ   വീണ്ടും  അടുത്തത്

Dubai Air Arabia male

അതും male

എന്തെങ്ങിലും  ആകട്ടെ  .എങ്കിലും  ഈ  സംശയം  വിട്ടു  കളയാനും വയ്യ .ഏട്ടനോട് ചോദിച്ചാലോ? അങ്ങനെ  വിചാരിച്ചതും  എന്‍റെ  തൊട്ടടുത്തിരുന്ന  ആള്‍  എഴുന്നേറ്റു  പോയതും  ഒരേ  സമയം .എവിടെ  നിന്നെന്ന്  അറിയില്ല  ഏട്ടന്‍  വന്ന്  ആ സീറ്റില്‍   ഇരുന്നു .(മന്ത്രി  കസേരക്ക്   ഇത്രയും വെയിറ്റ്   കാണുമോ  ആവോ ?)

സീറ്റ്‌  ഒഴിഞ്ഞു  പോയ  ആ  പുരുഷ  കേസരിയെ  ഏട്ടന്‍ ‍  അന്ഗോപാന്ഗം  ഒന്ന്

ഉഴിഞ്ഞു  വിടുന്നതും  ഇതിനിടയില്‍  ഞാന്‍   കണ്ടു .

അത്  പോട്ടെ

എന്തായാലും  എന്‍റെ  ഡൌട്ട്  ക്ലിയര്‍  ചെയ്യണമല്ലോ

“അതെ  ഏട്ടാ   ഇതെന്താ   ഈ  Air India Male.. Air Arabia Male….

ഒരല്‍പം  ഉറക്കെ  തന്നെയാണ് ഞാനത്  ചോദിച്ചത് .ഏട്ടന്റെ  ഉത്തരത്തിനു  വേണ്ടി  വളരെ ആകാംഷാപൂര്‍വ്വം   കാതോര‍ത്തിരുന്ന  എന്നോട്  വളരെ  സ്വകാര്യം  പോലെ ,അതിലുപരി  ഒരു   ശാസനയുടെ  സ്വരത്തില്‍  ഏട്ടന്‍  പറഞ്ഞു

“അപ്പുറത്തിരിക്കുന്നവര്‍  കേള്‍ക്കണ്ടാ  ,ഒന്ന്  പതുക്കെ  പറ …..”

എനിക്കാകെ  വല്ലായ്മ   തോന്നി .ഇത്രയ്ക്കു  ശാസിക്കാന്‍  ഞാന്‍   സഭ്യതയുടെ  അതിര്‍ ലങ്ഘിച്ചു  ഒരു  വാക്ക്  പോലും  പറഞ്ഞില്ലല്ലോ.

ഇനി  എന്റെ  ചോദ്യത്തിന്   ഏട്ടന്‍   നല്‍കിയ  മറുപടി  ഇവിടെ  ചേര്‍ക്കാം

Air India     മാലി (Male)

Air Arabia   മാലി (male)

ചെക്കിംഗ് ക്ളിയരെന്‍സ് കഴിഞ്ഞു  അധികം  താമസിയാതെ  സഹോദരന്‍ വന്നു  , ഞങള്‍  വീട്ടിലേക്കു  പോയി  അത്  വേറെ  കാര്യം .

ഒരു   ആനയെ  നോക്കിയ   ക്ഷീണം മാറിയിട്ടില്ലാത്ത എനിക്ക്

ഓര്‍ക്കാപ്പുറത്തുള്ളതായിരുന്നു

ആ  “Male”  അറ്റാക്ക്‌

 

കുറിപ്പ്:   Maldives ന്‍റെ തലസ്ഥാനം ആണ് Male . (അവിടെയാണത്രേ Male International Airport (MLE) .വേറെ ചുരുക്കപ്പേരുകള്‍   ഒന്നും ഇവര്‍ക്ക് കിട്ടിയില്ലേ .....?  ചുമ്മാ  മനുഷ്യനെ  നാണം  കെടുത്താന്‍.അല്ല  പിന്നെ ……